kya sach hai kya sachaai hai

murgi se aaya hai unda ya unde se murgi aayi hai, ;)
kavita ne kavi ko banaya hai ya kavi ne kavita banayi hai,
duvidha main hoon fansa hua,
kya sach hai kya sachaai hai.

kya sach ke koi parebhasha hai,
kya sach-jhood ke beech koi rekha hai,
jo dekha hai woh sach hai kya,
kya sach ko kisi ne dekha hai ?

main kya hoon mujhe bataye koi,
kya kisi ne mujko dekha hai,
jo dekha hai woh main hoon kya,
kya itna he mera lekha hai

kya wahin hoon main jo dikhta hoon,
ya woh jo aap samjhte hain,
lekin jo aap samjhte hai,
kya woh aap samjhte hain?

maine main ko samjha nahin.
jo samjha hai samjha de mujhe,
main uljha hoon uljhan main meri,
mujhko mujhe se mila do hare..
mujhko mujhe se mila do hare..