Pankha kavita garmi par

Natkhat pankha khatkhat karta.
hardam shor machaata hai.
Lekin garmi ke mausam mein,
sabke mann ko bhaata hai.
bijali kha kar A.C, D.C,
thandi hawa chalaata hai.
nanhe munne hum bachchon ko,
meethi neend sulaata hai.
kabhi latakta chhat ke neeche,
kabhi mej par gaata hai.
kabhi band COOLER ke bhitar,
chupake se chhip jaata hai.
natkhat pankha khat khat kar ke,
humko yah sikhlaata hai.
sewa karne se hi bachchon,
sachcha sukh mil paata hai.