Shanti Doot

AMERICA ke ATOM BOMB,
manavta ke hatyaare hain.
Rus, Chin ke bambvarshak bhi,
bhishan vidhwanshak saare hain.

Ek samay aisa aayega,
ye aapas mein takraayenge.
zahareele baadal garjengein,
bhoo par sholay barsaayengein.

Naye naye hathiyaar bana kar,
adbhut sansar rachayenge.
jeevan darshan durlabh honge,
loonj-poonj sab rah jaayenge.

Rakt yudh ka daanav,
jee bhar kar attaahas karega.
manav ka dushman ban manav,
manavta ka naash karega.

Aise vikat samay par jab,
jeevan-jeevan aahat hoga.
jag ke vistrit bhoo mandal par,
shanti doot Bharat hoga.