Hum Bachchon Ke Adbhut Khel

Masti waale bade nirale,
hum bachchon ke adbhut khel.
SUNDAY ke din hum sab karte,
dhamachaukadi relampel.
kabhi daudte kabhi bhagate,
kabhi khelate thelamthel.
hum bachchon...

Koi banata chor sipaahi,
koi banata ENGINE RAIL.
koi POLICE sipaahi ban kar,
pahunchata hai sabako Jail.
Hum bachchon...

Koi khele Gulli-Danda,
koi CRICKET waala khel.
koi sabako daant dikhata,
koi khaata puri bhel.
Hum bachchon...

Chhin jhapat koi le jaata,
laal NOKIA waala CELL.
koi haath badha kar kehata,
HELLO MISTER VERY WELL.
Hum bachchon...

Chhota Chintu hardam padhata,
lambi-lambi FAIRY TALE.
dekh use hum sab kehate hain,
NAUGHTY bachche GO TO HELL.
hum bachchon...

Masti waale bade nirale,
Hum bachchon ke adbhut khel.