Varsha rain Barsat

Rimjhim rimjhim aati varsha.
krishkon ko harshaati varsha.
dharti hari bhari kar deti,
bharti taal talaiyaa varsha.
sukhe vriksh hare ho jaate,
aisa pyar lutaati varsha.
Rina, Meena, Guddu, Sonu,
sabake mann ko bhaati varsha.
jis din adhik barasta paani,
vidhyaalaya ki chhutti hoti.
ghar par mauj maarte hain sab,
MUMMY bhi tab rehati soti.
badi niraali varsha raani,
saare jag ki pyaas bujhaati.
karo sada manav ki raksha,
hum bachchon ko yah sikhlaati.