bharat desh par kavita

Jai ho Bharat desh ki...

Jahaan ghar-ghar mein

desh bhakti ka junoon to basta hai

Par desh ke liye koi kuch karta nahi hai.

Jai ho Bharat desh ki...

Jahaan k logon ke gyaan ki misaal di jati hai

Par Niraksharta itni hai

Ke logon ko Shaksharta ka mool hi nahi pata.

Jai ho Bharat desh ki...

Jahaan ki Sanskriti saari duniya mein mashoor hai

Par aaj bhi jaat-paat aur dharm ke naam par

Logon k dilon mein dooriyan hai.

Jai ho Bharat desh ki...

Jahaan har ghar mein RAM-LAXMAN baste hai

Par aaj wahi Ram aur Laxman

Apne hi baap-bhai k khoon ke pyase hai.

Jai ho Bharat desh ki...

Jo duniya ka sabse bada Gantantra hai

Par ussi gantantrata ki lash par baith kar

Yahaan ke adhikariyon ne sirf apni jeb bhari hai.

Jai ho Bharat desh ki...

Jahaan ki jansankhya itni hai

Ke sadko par chalne wale kam

Aur sone wale zyada hai.

Jai ho Bharat desh ki...

Jahaan Bhrashtachar itna zyada hai

Ke karmchariyon k kaale dhan se

Saare desh ki garibi hat sakti hai.

Jai ho Bharat desh ki...

Jahaan log har waqt apne adhikaro ki baat to karte hai

Par adhikaro ki baat karne wale wahi log

Aaj apne kartavya hi bhul gaye hai.