Shikshak Teachers day poem

Maatayein deti nav jeevan,
pita suraksha karte hain.
lekin sachchi manavta,
shikshak jeevan mein bharte hain.

Satya nyaay ke path par chalna,
sikshak humein bataate hain.
jeevan sangharshon se ladana,
sikshak humein sikhaate hain.

Gyan deep ki jyoti jala kar,
mann alokit karte hain.
vidya ka dhan dekar shikshak,
jeevan sukh se bharte hain.

Sikshak ishwar se badh kar hain,
yah kabir batalaate hain.
kyonki shikshak hi bhakton ko,
ishwar tak pahunchate hain.

Jeevan mein kuchh pana hai to,
shikshak ka sammaan karo.
shish jhooka kar shradha se tum,
bachchon unhe parnaam karo.