Aisay main mujhay tum nay bohat yaad kiya hoga

Aisay maiN mujhay tum nay bohat yaad kiya hoga
seenay maiN ajab aik talatum sa bapa hoga
monh zor say jazbooN nay jo bechain kiya hoga
uljhee hoee sansooN nay mera naam liya hoga
rukhsaar pay kakul nay preshaan kiya hoga
Aisay maiN mujhay tum nay bohat yaad kiya hoga


moajooN ki tarah sochaiN bekal hoi jati hooN
parday pay tasawwer k , ik shakal bnaati hooN
ya zehn k khalyooN maiN tahreek si lati hooN
bay wajha sahi phir bhi , dil thaam liya hoga
Aisay maiN mujhay tum nay bohat yaad kiya hoga


bay naam kasak say jab raataiN sulag uThti hooN
aawaaz say boondooN ki saansaiN dehak uThti hooN
aahaT pay her ik dil ki kalyaaN lehak uThti hooN
aanchal ka kinara tab daantooN maiN liya hoga
Aisay maiN mujhay tum nay bohat yaad kiya hoga


shiddat ka ho jo moasam ya kuch badal raha ho
taareek tanha kamra ya tum ko Dass raha ho
chori say khawab koi aankhooN maiN bass raha ho
takye ko dahal ker jab pahloo maiN kiya hoga
Aisay maiN mujhay tum nay bohat yaad kiya hoga


rukhsaar pay kajal say koi til jo bnao gay
zulfooN ko bekhairo gay ya ghaza lgao gay
aaeinay ki marzi say jab khud ko sajao gay
or jab bhi kabhi solah singhaar kiya hoga
Aisay maiN mujhay tum nay bohat yaad kiya hoga