Gul khile aarzooeN bhi mehkeeN

Main khata hooN tou yeh saza kyuuN hai
Woh khafa hai tou phir khafa kyuuN hai

Tujh ko paaya tou milgaya sub kuch
Tujh ko khone ka Khauf sa kyuuN hai

Har Khushee per hai mujh ko Khadahsay.e Gham
Kashmakash dil meN yeh bata kyuuN hai

Gul khile aarzooeN bhi mehkeeN
Aise mausam meN tou juda kyuuN hai

Main tou Khamosh hooN tumhare baGhaiar
Dil meN ik shor sa macha kyuuN hai

Too hi batla keh shub meN tere baghair
Chaandni itni bemaza kyuun haiN
 
 us ne gham diye haiN mujhe
phir bhee lagta woh be KhaTa kyuuN hai