main hoon eak prishan chinha

main lagata hoon viram
jhinjhodta hoon man ko
talashtaa hoon jawaab
jissey mujhey santosh miley,

atript rahunga main
tab tak jab tak ki
mujhmey uthi aankanshayain
kuch adhuri suchnayain
mujhey udailit karti rahengi,

mera vajood sabney dekha hey
umar key padav mey kahin
sab sey milta hoon main
main hoon eak prashn chinha[?]

kabhi naam pey utha hoon
kabhi daam pey uthaa hoon
kuch bandhan kabhi tootey to
to samaaj pey utha hoon,
sach key hoth band rahey isliye
kabhi awaajon pey[?] chipka hoon,

main kisi sey akhiri baar
nahin milta kyunki aana hey dobara
jindagi key har dorahey pey khada hoon
main hoon eak prishan chinha[?]