AITBAAR !

Ajeeb Shakhs Tha Har Ik Se Piyar Mangta Tha
Jahan Na Dard Ho" Aisa Dayar Mangta Tha,

Jo Mangta Tha Wo Dena Meri Bisaat Na Thi
Wo Meri Rooh Ka Mujh Se Qarar Mangta Tha,

Usay Gharz Thi" Na Gulon" Na Bulbulon Se Zara
Wo Fasl-e-ranj Mein Fasl-e-bahar Mangta Tha,

Usay Talab Thi Koi Toot Kar Usay Chahy
Wo Haath Jorr K Ulfat Ka Izhaar Mangta Tha,

Mere Khuloos Pe Shayed Tha Shak Usay
Wafa Ki Raah Mein Wo AITBAAR Mangta Tha !