Roothe Huye Ujaalon Ki…

Roothe huye ujalon ki

udas haseen shamon mein

ahsas teri kashish ka

umadti julf ki badliyon ka

tip tip ki jaltarangon se

sargam teri aahat ka

kumhalaye man ke kono mein

ik shama aas ki jalti hai

lahrate aanchal jaisi

hawa ki sarsarahat se

chaukhat ki'sarhadon pe

jaise koi dastak suni

tum aaye yah dil bola

hirno si chanchalta liye

alhad kajrari ankhiyon mein

yugon yugon ka pyar liye

par man to man hai

almast sa bhanwara

jaane na sansar ke bandhan

bechain main bechain tum

aur phir yah sochun gumsum

ki kathor kaal ke chakra anant mein

fir milenge hum aur tum