Barkha Rani

Rimjhim-Rimjhim barsaa paani,
aayi dekho barkha raani,

mor khushi se ithlaaya,
nanhe mann ko mehkaaya.

Koyal dekho lagi chahkne,
kaliyaan dekho lagi mehkane,

masti ka aalam chhaya,
palat gayi dharti ki kaaya,
dharti maata ho gayi tript,
peekar varsha ka amrit,

bachche yuvaa ghum rahein hain,
masti mein sab jhoom rahein hain,
kisi ko khyaal nahi apna,
sach hai ya hai koi sapna.