Rakhati ajab dimaag nadi

Parvat se hi nikal rahi hai,
saras neer ki dhaar nadi.
pashu-pakshiyon, ped maanav se,
karti sachcha pyar nadi.

kal-kal chhal-chhal karati rehati,
chhede meetha raag nadi.
varsha ke mausam mein karti,
kaisi bhaagambhaag nadi.

bal khaakar chalati hai aisi,
jaise koi naag nadi.
tat par bikharaaati hai saaboon,
jaise dheron jhaag nadi.

yug chaahe kitne hi bite,
bani rahi nit nayi nadi.
chhoda kabhi na apne path ko,
rakhati ajab dimaag nadi.