Garmi ke kode

Suraj ke rath ke ghode,
barsa rahe hain garm kode.

San san karti chalati loo,
dupahar tak tap jaati bhoo.

Ravi ki kirane jyon ghadi huyi,
sir par dekho we khadi huyin.

Chhaya lagati sabako pyari,
Pinky jaakar soti nyaari.

Sandhya jab awani par aati,
vividh chhata apani bikhraati.

Paschim mein chha jaati laali,
kook rahi koyal matwaali.

isi tarah chhup jaata hai din,
umas bhara kat jaata hai din.