Ek Sapna

Ek komal umangon bhara sapna liye
apni hi dhun me jiye ja rahi thi

sahil pe banake ret ka mahal
lahron se door use kiye ja rahi thi

ek aisi duniya ke sapne sanjoti thi
jo vastavikta se bilkul pare thi

na nafrat ka naam tha jisme
na hi sangharshon se zindgi bhari thi

Ab jab zindgi ka asli roop samne ata hai
to lagta hai jhuthe gharondon ke tinke
moti ki tarah ikatthe kiye ja rahi thi

ek komal umangon bhara sapna liye
apni hi dhun me jiye ja rahi thi

sahil pe banake ret ka mahal
lahron se door use kiye ja rahi thi.....