Kabhi nahi ghabraate

Drin pratigya ho badhane waale,
kabhi nahi ghabraate.
hum Bharat ke nanhe munne,
bachche bhole bhaale.
maa ke raajdulaare hain hum,
Bharat ke rakhwaale.
maa ke charno mein nishidin hum,
apana shish jhukaate.
kabhi nahi...

padhana ho ya ladana bhidana,
kaam sabhi hum karte.
aayein kitani bhi badhaayein,
nahi kisi se darte.
sachche singh sapoot saahasi,
apani raah banaate.
kabhi nahi...

Humein pataa hai iss duniya ki,
khatti mithi baatein.
andhiyaaron mein kaati humne,
jaane kitani raatein.
raah kathin ho chaahe jitani,
aage badhate jaate.
kabhi nahi...

josh bhara hai mann mein itana,
jyon sagar mein paani.
saara jag ye maane kaise,
bachche Hindustani.
jo hath thaan liya mann mein wah,
poora kar dikhalaate.
kabhi nahi...

Drin pratigya ho badhane waale,
kabhi nahi ghabraate.